Äs isch so schön, dass miär hüt chönd bi Üch sii
Äs macht üs Freud, dass miär chönd zämä fiirä
Äs isch es Glück, sind Ihr hüt all’ däbii
S’isch doch verruckt: Wiä cheibä schnäll gaaht Ziit verbii!

Drum gnüssid miär d’Fründschaft – und d’Härzlichkeit
Drum gnüssid miär d’Muusig – und d’Gmüätlichkeit
Drum gnüssid miär s’Ässä – äs Glesli Wii
Drum gnüssid miär s’Läbä – so wiä’s muäss sii!

Ja - niämer weiss, we lang dass’ miär nu läbäd
Doch jedä meint, äs tüpfi Dee dänäbäd
Und keine ahnt, was s’Schicksal mit üs macht
Doch für üs all’ chunnt nach em Liechterlösche d’Nacht

Drum gnüssid miär d’Fründschaft – und d’Härzlichkeit
Drum gnüssid miär d’Musigg – und d’Gmüätlichkeit
Drum gnüssid miär s’Ässä – äs Glesli Wii
Drum gnüssid miär s’Läbä – so wiä’s muäss sii!

Miär sind so froh, hüt Üchi Trüüi z`gspürä
Und hoffid so, Üch alli nid z’verlüürä
Und miär sind stolz, uf d’Friiheit wo mir hend
Zum üsäs Läbä-läbä, gnau wiä miär das wend!

Drum gnüssid miär d’Fründschaft – und d’Härzlichkeit
Drum gnüssid miär d’Musigg – und d’Gmüätlichkeit
Drum gnüssid miär s’Ässä – äs Glesli Wii
Drum gnüssid miär s’Läbä – so wiä’s muäss sii!

La, la, la
Drum gnüssid miär s’Ässä – äs Glesli Wii
Drum gnüssid miär s’Läbä – so wiä’s muäss sii!